Merkel sakitləşmək istəmir
Almaniya və bizim müttəfiqlərimiz Krım Ukraynaya qaytarıldıqdan sonra sakitləşəcək.
ANS PRESS-in məlumatına görə, bunu Almaniya kansleri Angela Merkel Ukrayna prezidenti Petro Poroşenko ilə görüşdə bildirib.
O deyib ki, biz bu tarixi Krımın qanunsuz ilhaqı günü kimi yadda saxlamalıyıq. Unutmamalıyıq ki, bu akt post-müharibə Avropasındakı sabitliyi təhlükə altında qoyub. Ukraynanın süverenliyi və ərazi bütövlüyü bərpa olunmayınca, sakitləşməyəcəyik.”
Görüşdən sonra keçirilən mətbuat konfransında prezident Petro Poroşenko bildirib ki, martın 19-da keçiriləcək Avropa sammitində Qərb liderlərindən Rusiyaya qarşı sanksiyalar məsələsində aydın mövqe gözləyir.
Onun fikrincə, Rusiya Minsk razılaşmasının şərtlərinə əməl etməyib və rəsmi Moskvaya qarşı sanksiyalar genişləndirilməlidir.
MənbəANS PRESS