Lənkəranda Od çərşənbəsi - FOTO

Milli.Az CTV-yə (Region TV-yə) istinadən bildirir ki, bayram tədbiri şəhərin Vağzal meydanı ərazisində təşkil olunub. Od çərşənbəsinin qeyd olunması Novruzun əsas personajları sayılan Kosa və Keçəlin tonqal yandırması ilə başlayıb.

Dədə Qorqud personajının canlandırılması da şənliyə xüsusi rəng qatıb. El adətinə uyğun olaraq üzərlik yandırılıb, el-obanın  bəd-nəzərdən qorunması Allahdan dilənib.  Tonqal ətrafında oxunan musiqilər, Kosa və Keçəlin məzəli  dialoqları, rəngarəng  rəqslər lənkəranlılara əsl bayram ovqatı, şadlıq bəxş edib.

Qeyd edək ki, Novruz bayramına qədər ölkəmizdə geniş şəkildə qeyd olunan dörd çərşənbələrdən növbəti iki çərşənbə - yel və ilaxır çərşənbələrin sonuncusu olan torpaq çərşənbəsidir.

Milli.Az