İki mikroavtobus toqquşub, 8 nəfər yaralanıb
APA
-nın məlumatına görə, hadisə martın 23-də saat 12.00 radələrində Lənkəran-Boradigah şosesinin rayonun Veravul kəndi ərazisindən keçən hissəsində qeydə alınıb.
Lənkəran şəhər sakini
Kazım Əzizovun idarə etdiyi “Mercedes” markalı, 10 NC 952 dövlət nömrə nişanlı sərnişin mikroavtobusu hərəkətdə olarkən sürücüsünün şəxsiyyəti hələlik məlum olmayan “Mercedes” markalı, 10 NU 769 dövlət nömrə nişanlı sərnişin mikroavtobusu arxadan ona çırpılıb.
Güclü zərbədən öndəki mikroavtobus yoldan çıxaraq aşıb.
Nəticədə nəqliyyat vasitəsindəki sərnişinlərdən 8-i - 80 yaşlı
İsrafil Quluzadə, 54 yaşlı
Məmləkət Rzazadə, 42 yaşlı
Əlfəddin Məlikov, 62 yaşlı
Asya Cahangirova, 48 yaşlı
Elza Məhərrəmova, 52 yaşlı
Həqiqət Əhədova, 21 yaşlı
Ramin Quluzadəvə 50 yaşlı
Cəmalə Əzimovamüxtəlif dərəcəli bədən xəsarətləri alıblar.
Onlar Lənkəran Mərkəzi Rayon Xəstəxanasına yerləşdiriliblər.
Qəzanın dəqiq başvermə səbəbləri keçirilən avtoekspertizanın rəyindən sonra məlum olacaq.
Faktla bağlı Lənkəran Şəhər-Rayon Polis Şöbəsində araşdırmalara başlanıb.
Milli.Az