Gəncədə İran şirkətlərinin sənaye-ticarət sərgisi açılacaq

Gəncə, 3 mart,

AZƏRTAC

Martın 4-də Gəncənin Olimpiya İdman Kompleksində İran İslam Respublikasının sənaye-ticarət sərgisi açılacaq.

AZƏRTAC

xəbər verir ki, sərgidə İranın 50-dən artıq şirkətinin qida sənayesi, dərman preparatları, tekstil, geyim, kənd təsərrüfatı və digər məhsulları nümayiş etdiriləcək.

Sənaye-ticarət sərgisi Ərdəbil əyalətinin beynəlxalq sərgilər şirkətinin təşəbbüsü ilə təşkil olunacaq. Sərgiyə Ərdəbil əyalətindən başqa, Qərbi və Şərqi Azərbaycan əyalətlərindən, Tehran, İsfahan, Əlborz və Məşhəddən şirkətlər qatılacaqlar.