Əfqanıstanda partlayış: 4 ölü, 5 yaralı

Əfqanıstanın Qilmend əyalətində terror aktı törədilib.

APA-nın TASS agentliyinə istinadən verdiyi xəbərə görə,  nəticədə azı 4 nəfər ölüb,  5  nəfər xəsarət alıb.

Məlumata əsasən, terrorçu-kamikadze təhlükəsizlik qüvvələrinə məxsus blok-postda partlayıcı maddəni işə salıb. Həlak olanlardan 2 nəfər asayiş keşikçiləridir.

Partlayışa görə məsuliyyəti hələ ki, heç bir qruplaşma öz üzərinə götürməyib.