Ebola virusu Qərbi Afrikada 10 min insanın həyatına son qoyub

Paris, 14 mart,

AZƏRTAC

. 

Ebola epidemiyası baş verdiyi vaxtdan Qərbi Afrikada 10 min insanın həyatına son qoyub. Bu haqda Dünya Səhiyyə Təşkilatı ( OMS ) məlumat yayıb.

Məlumatda bildirilir ki, qitənin doqquz ölkəsində ümumilikdə 24.350 nəfər bu qorxunc virusa yoluxub. Onlardan 10.004-ü dünyasını dəyişib.

Virusun daha çox tüğyan etdiyi Liberiada bu epidemiyaya tutulan 9.343 insandan 4.102 nəfəri vəfat edib. Onun qonşuluğunda yerləşən Sierra Leonoda virusa yoluxan 11.677 nəfərdən 3.655-i, Qvineyada isə 3300 insandan 2187-si həyatla vidalaşıb.

Beynəlxalq təşkilat virusun qarşısını tam almaq məqsədilə işlərin davam etdirildiyini bildirib.

Əsgər Əliyev
AZƏRTAC-ın xüsusi müxbiri
Paris