DİN Salyanda 8 yaşlı uşağın ölümü ilə bağlı məlumat yayıb

Salyan rayonunun Düzənlik kəndində baş verən yol-nəqliyyat hadisəsi azyaşlı uşağın ölümü ilə nəticələnib.

Daxili İşlər Nazirliyinin (DİN) mətbuat xidmətindən

Trend

-ə verilən məlumata görə, martın 14-də saat 15 radələrində Salyan rayonunun Düzənlik kəndində Qaraçala kənd sakini

Yusif Abbasov

idarə etdiyi “Belarus” markalı traktoru aşırıb. Nəticədə onun sərnişini

Əvəz Abbasov

hadisə yerində ölüb. Y.Abbasovun özünə isə xəstəxanada ilkin tibbi yardım göstərilib.

Faktla bağlı Salyan Rayon Polis Şöbəsi tərəfindən araşdırma aparılır.

Qeyd edək ki, dünyasını dəyişmiş Əvəz Abbasovun cəmi 8 yaşı olduğu bildirilir.

Milli.Az