Danimarka kronun məzənnəsinin qorunması üçün bir ayda 25 mlrd dollar xərcləyib

Danimarka Mərkəzi Bankı bu ilin fevral ayında milli valyutasının məzənnəsinin  qorunması məqsədi ilə valyuta intervensiyalarına 168,7 mlrd Danimarka kronu (25 mlrd dollar)  sərf edib. APA-nın “Röyters”ə istinadən verdiyi xəbərə görə, bu barədə Danimarka Mərkəzi Bankının açıqlamasında bildirilir.

Bu şəraitdə ölkənin valyuta ehtiyatları tarixi maksimumu yeniləyərək bu ilin  fevralın sonuna olan məlumata əsasən 737,1  mlrd krona (110,8 mlrd dollar) çatıb

Qeyd edək ki, bir ay əvvəl, bu ilin yanvarında, qeyd olunan göstərici 564,1 mlrd kron (84,8 mlrd dollar) olub.