Bakının “Rabitə” voleybol komandası Rusiyanın “Dinamo” klubuna məğlub olub

Bakı, 25 mart,

AZƏRTAC

Martın 24-də Bakının qadınlardan ibarət “Rabitə” komandası Avropa Voleybol Konfederasiyası (CEV) kuboku yarışlarının yarımfinal mərhələsinin ilk oyununu keçirib.

AZƏRTAC

xəbər verir ki, Azərbaycan çempionu Rusiyanın Krasnodar şəhərində yerli “Dinamo” komandası ilə qarşılaşıb.

Finlandiyalı baş hakim Ahti Huntaniskanın idarə etdiyi oyun 3:1 hesabı ilə Rusiya komandasının xeyrinə başa çatıb.

Komandalar arasında cavab görüşü martın 28-də Bakıda keçiriləcək.