Bakıdan Tbilisiyə bayram qatarı gedəcəkmi?

Novruz bayramı günlərində Bakıdan Tbilisiyə əlavə qatarların getməsi nəzərdə tutulubmu?

Milli.Az xəbər verir ki,

Day.Az

saytının Zaur adlı oxucusu belə bir sual ünvanlayıb. Onun sözlərinə görə, 2014-cü ilin dekabr ayında ailəlikcə qonşu ölkəyə istirahətə getmişdilər. O, bu bayramda da əlavə reysin olub-olmayacağı ilə maraqlanır.

Saytın əməkdaşı məsələ ilə əlaqədar "Azərbaycan Dəmir Yolları" QSC-nin mətbuat katibi

Nadir Əzməmmədov

la əlaqə saxlayıb.

"Bakı-Tbilisi xətti üzrə sonuncu dəfə turistik qatar 2014-cü ilin dekabr ayında yola salınıb. bayram günlərində bu istiqamətdə sərnişin sıxlığı müşahidə edilir. Bu səbəbdən də əlavə marşrut açmağı qərara almışdıq", - deyə qurum rəsmisi bildirib.

Novruz bayramında da əlavə qatar olub-olmayacağı barədə sualı isə belə cavablandırıb:

"Turizm şirkətlərindən bizim quruma müraciət daxil olmayıb. Adətən turizm şirkətləri bizə müraciət edirlər. Bu il isə heç kim müraciət etməyib", -  Nadir Əzməmmədov bildirib.

Milli.Az