Bakıda “Qan və qan komponentlərinin hazırlanmasında müasir texnologiyalar” mövzusunda seminar işə başlayıb

Bakı, 18 mart, Elvira Məmmədova,

AZƏRTAC

Martın 18-də Azərbaycan Tibb Universitetinin (ATU) Tədris Terapevtik Klinikasında “Qan və qan komponentlərinin hazırlanmasında müasir texnologiyalar” mövzusunda seminar keçirilib.

AZƏRTAC

xəbər verir ki, ATU-nun rektoru, Milli Məclisin deputatı, akademik Əhliman Əmiraslanov tədbirin əhəmiyyətindən danışıb, onun işinə uğurlar arzulayıb.

Sonra Azərbaycanla yanaşı, Türkiyə, Tacikistan, Qazaxıstan, Özbəkistan, Qırğızıstandan olan yüksək ixtisaslı mütəxəssislərin yeni cihazların tətbiqi ilə bağlı məruzələri dinlənilib, iştirakçıların sualları cavablandırılıb.