Amerikalı milyarder neftin barrelinin 100 dollar olacağını deyib

Bakı, 25 mart,

AZƏRTAC

Amerikalı neft maqnatı, BP Capital Management investisiya şirkətinin rəhbəri 2016-cı ilin sonuna neftin barrelinin 100 dollar olacağını deyib.

AZƏRTAC

xəbər verir ki, bu barədə Reuters agentliyi məlumat yayıb. 86 yaşlı milyarder Tomas Bun Pikens bunu San-Fransiskoda Commonwealth Club of California qeyri-hökumət təşkilatının görüşündə çıxış edərkən söyləyib.

Son məlumata görə isə WTI markalı neft bahalaşıb. ABŞ-ın neft ehtiyatlarının həcmi ilə bağlı statistik məlumatlara baxmayaraq, neftin qiyməti 3 faiz artıb. Brent markalı neftin barreli 56,25 dollara, WTI isə 48,88 dollara satılır.