Ağsu rayonunun 9 yaşayış məntəqəsi “mavi yanacaq”la təmin olunacaq

Ağsu, 29 mart,

AZƏRTAC

Yararsız vəziyyətdə olan Hacıqabul MQKS-nin Kəndoba qazpaylayıcı stansiyasında aparılan əsaslı təmir işləri başa çatıb.

AZƏRTAC

xəbər verir ki, bu qazpaylayıcı stansiya vastəsilə Ağsu rayonunun 9 yaşayış məntəqəsinə - Kəndoba, Cəlayir, Abasxanlı, Hacıuşağı, Cəfərli, Ağabəyli, Rəhimli, Şahbəyli və Qaradağ kəndlərinə təbii qaz veriləcək.

Qeyd edək ki, Kəndoba qazpaylayıcı stansiyasının əsaslı təmiri regionların 2014-2018-ci illərdə sosial-iqtisadi inkişafına dair üçüncü Dövlət Proqramında Ağsu rayonu üzrə həyata keçrilməsi nəzərdə tutulan tədbirlərə əsasən aparılıb.

Hazırda adıçəkilən yaşayış məntəqələrinin qazlaşdırılmasına başlanılıb.