Lətifə Soyuöz — müğənni vokal ifaçısı. 1988-ci il 26 noyabrda Bakı şəhərində anadan olub. 1995-ildə Bül-bül adına orta ixtisas musiqi məktəbində piano şöbəsində ilk təhsilinə başlamışdır. Müəllimləri Lətifənin qeyri-adi səs çalarlarının olduğunu kəşf edərək onun istedadını qiymətləndirmiş və vokal şöbəsinə keçməsini ona məsləhət görmüşdülər. Daha sonra Azərbaycan Dövlət Musiqi Akademiyasına daxil olub. 16 yaşından etibarən böyük səhnələrdə çıxış edərək tanınmağa başlamışdır. İlk klipi olan Fuad Əlişovun çəkdiyi Ave Mariya əsəri 2006-cı ildə işiq üzü görmüşdür. Hazırda Lətifənin 3 klipi var. İndi isə Lətifə tamaşaçılara yeni bir layihəsini təqdim etməyi planlaşdırır. Proyektin adı Hədəf-dir. Bu proyekt üzərində 60 nəfər işçi heyəti çalışmışdır. Söz/mus: Günel Sərdarqızına, aranjman: Yaşar Baxışa, rejissor və direktor: Anar Hüseynova, kamera direktor: Rza Askerova, geyim/stil: Renat Ramazanova aiddir. Lətifə indi bu əsərin böyük uğur qazanacağına inanır.