Ukraynada cəbhədə döyüşlərin intensivliyi artıb

Bu ilin iyul ayında Ukraynada cəbhə xəttində döyüşlərin intensivliyi yüksək səviyyədə davam edib.

Metbuat.az xəbər verir ki, Ukrayna Silahlı Qüvvələrinin Baş Qərargahının yaydığı məlumata əsasən, ay ərzində ümumilikdə 7 922 döyüş toqquşması qeydə alınıb. Bu isə orta hesabla hər gün 250-dən artıq döyüşün baş verməsi deməkdir.

Məlumatda həmçinin qeyd olunur ki, Rusiya ordusu iyul ayında indiyədək rekord sayda – 8 300-dən çox idarəolunan aviasiya bombası tətbiq edib.

Ukrayna tərəfi hesab edir ki, bu göstəricilər ötən ay döyüş əməliyyatlarının gərginliyinin daha da artdığını göstərir.