Yastığın altına dəfnə yarpağını niyə qoyurlar?

Nəsildən-nəslə ötürülən və uzun illərdir tətbiq edilən yastığın altına dəfnə yarpağı qoymaq ənənəsi bu gün də bir çox evdə yaşadılır. Xüsusilə yaşlı nəslin davam etdirdiyi bu vərdişin daha rahat və dinc yatmağa kömək etdiyinə inanılır.

Metbuat.az xəbər verir ki, dəfnə yarpağının tərkibindəki təbii aromatik birləşmələr ətrafa özünəməxsus xoş qoxu yayır və bu ətir bir çox insanda rahatlama hissi yaradaraq gərginliyin azalmasına kömək edir.

Bu üsulun təsiri elmi baxımdan tam təsdiqlənməsə də, Anadolu və bir çox Şərq mədəniyyətlərində uzun illərdir dinc yuxu məqsədilə istifadə olunur. Kimyəvi otaq ətirləri və süni spreylərdən istifadə etmək istəməyənlər üçün dəfnə yarpağı təbii alternativ sayılır. Qurudulmuş dəfnə yarpaqları yalnız yastığın altında deyil, həmçinin geyim dolablarında, çarpayının kənarında və digər yaşayış məkanlarında havanı təravətləndirmək, ətrafa xoş ətir yaymaq məqsədilə də istifadə edilir.