Göyçayda həyətində çətənə yetişdirən şəxs saxlanıldı

Göyçayda həyətində çətənə kolu yetişdirən şəxs tutulub.

DİN-in Mətbuat Xİdmətinin Şəki regional qrupundan Metbuat.az-ın bölgə müxbirinə verilən məlumata görə, Göyçay Rayon Polis Şöbəsinin əməkdaşlarının keçirdikləri əməliyyatlarla narkotik tərkibli bitkiləri kultivasiya etməkdə şübhəli bilinən 45 yaşlı Amil Vahidov saxlanılıb.

Onun yaşadığı ünvandan çətənə kolları və marixuana aşkarlanıb. Saxlanılan şəxs narkotik tərkibli bitkilərə aqrotexniki qaydada xüsusi qulluq göstərdiyini bildirib. Faktla bağlı cinayət işi başlanılıb, A.Vahidov barəsində məhkəmənin qərarı ilə həbs qətimkan tədbiri seçilib.

Davud Tarverdiyev / Metbuat.az