150 balla bu ixtisaslara qəbul olmaq olar -

Abituriyentlərin illərlə davam edən gərgin hazırlıq prosesi və imtahan həyəcanı artıq geridə qaldı. Bir neçə gün sonra isə hər bir gəncə və valideyn üçün ən azı imtahan qədər məsuliyyətli və kritik mərhələ sayılan ixtisas seçimi başlayacaq.

Metbuat.az xəbər verir ki, bu dönəmdə düzgün addım atmaq, gələcək karyeranın təməlini doğru qoymaq və ən əsası, toplanmış balları düzgün dəyərləndirmək vacibdir. Təhlillər göstərir ki, bəzən düzgün ixtisas seçimi sayəsində nisbətən aşağı bal toplayan abituriyentlər belə tələbə adını qazana bilirlər.

Təbii ki, imtahanlarda heç də bütün abituriyentlər yüksək nəticə göstərməyiblər. Lakin bu, ümidləri üzmək üçün əsas deyil. Ali məktəbə qəbul qaydalarına əsasən, 150-200 arasında bal toplayan abituriyentlərin də ali məktəbə qəbul olmaq şansı kifayət qədər yüksəkdir. Bir çox universitetlərdə və ixtisaslarda ötənilki keçid balları bu qrupdan olan gənclərin də təhsil almaq imkanlarının olduğunu təsdiqləyir.

Aşağıda ümumi balı minimum 150 olan (və blok imtahanında ən azı 50 bal toplayan) abituriyentlərin seçə biləcəyi bəzi ixtisasların siyahısını təqdim edirik:

I İxtisas Qrupu

•⁠ ⁠Torpaqşünaslıq və aqrokimya

•⁠ ⁠Aqronomluq

•⁠ ⁠Meşəçilik

•⁠ ⁠Meliorasiya mühəndisliyi

•⁠ ⁠Texnologiya müəllimliyi

•⁠ ⁠Nəqliyyatda daşımaların və idarəetmənin təşkili mühəndisliyi (müəyyən universitetlərdə)

•⁠ ⁠Poliqrafiya mühəndisliyi

II İxtisas Qrupu

•⁠ ⁠Turizm və otelçilik

•⁠ ⁠Marketinq

•⁠ ⁠Biznesin idarə edilməsi

•⁠ ⁠Kommersiya

•⁠ ⁠Regionşünaslıq

III İxtisas Qrupu

•⁠ ⁠Sosial iş

•⁠ ⁠Muzeyşünaslıq, arxiv işi və abidələrin qorunması

•⁠ ⁠İslamşünaslıq

IV İxtisas Qrupu

•⁠ ⁠Ekologiya

•⁠ ⁠Baytarlıq

•⁠ ⁠Bitki mühafizəsi

•⁠ ⁠Bağçılıq və tərəvəzçilik

•⁠ ⁠Su bioehtiyatları və akvabitkilər

Ötənilki qəbul qaydalarını xatırlatsaq, 150 ballıq həddə uyğun gələn ixtisasların əksəriyyəti müsabiqəyə ödənişli əsaslarla təqdim olunur. Bununla belə, aqrar sahəyə aid bəzi ixtisaslarda dövlət sifarişli (ödənişsiz) yerlərin də bu balla keçid imkanı yaratdığı müşahidə olunmuşdur. İstənilən halda, düzgün seçim 150 balla da tələbə biletini qazanmağa kifayət edir.