Mətbəx sirləri: Xaş-xaşlı salat - FOTO

Milli.Az kələm, alma və xaş-xaşdan salatın hazırlanma qaydasını təqdim edir

Tərkibi:

xaş-xaşlı sous üçün:

1 st. yağsız qatıq

1/4 st. alma sirkəsi

1/4 fincan bal

3 x.q. xaş-xaş

1,5 ç.q. duz

1 x.q. qara istiot

salat:

1 orta boy ağ kələm

3 orta boy yerkökü

2 alma

5 göy soğan

2 x.q. doğranmış cəfəri

1/2 limonun şirəsi

Xaş-xaşlı sous üçün verilən ərzağı qarışdırın, dadını yoxlayın, bir qədər də şirin olmasını istəyirsinizsə, balı 1/3 fincan götürün. Sonra soyuducuya qoyun.

Yerkökünü təmizləyib nazik doğrayın. Almaların cecəyini çıxarıb dilimləyin, üzərinə limon şirəsi səpin ki, qaralmasın.

Soğanı, cəfərini, kələmi xırda doğrayın.

Kələmi alma, yerkökü, göy soğan, cəfəri ilə qarışdırın.

Xaş-xaşlı sousu əlavə edib qarışdırın.

Süfrəyə verməzdən əvvəl 45 dəqiqə - 1 saat soyuducuda saxlayın.

Nuş olsun!

Resept: vk.com/academy_main

Milli.Az