Mətbəx sirləri: Enqadin
Paxlava sevirsiniz? Məsələn, isveçrəlilər sevirlər. Amma çox güman ki, paxlavanın necə hazırlandığını bilmirmişlər, ona görə də öz variantlarını fikirləşib tapıblar.
Tərkibi:
2 st. un
1 yumurta
150 q kərə yağı
150 q şəkər tozu
çay qaşığının ucunda duz
iç:
300 q qoz ləpəsi
100 q fıstıq
3 x.q. kərə yağı
1,5 st. 15%-li qaymaq
1 yumurtanın sarısı
Yumşaldılmış yağı şəkər tozu və duzla çalın, 1 yumurta, sonra isə tədricən unun hamısını əlavə edərək xəmir hazırlayın. Üzərinə dəsmal çəkib 1 saat soyuducuda saxlayın.
Qoz ləpəsini bıçaqla xırdalayın.
Fıstığı da xırdalayın.
Kərə yağını tavada əridin, şəkər tozu əlavə edərək karamelizə edin, doğranmış qozla fıstığı əlavə edib yaxşıca qarışdırın. Soyudun. Qaymağı əlavə edin.
Soyuyub bərkimiş xəmiri çıxarıb iki yerə bölün. Birini yayıb yağlanmış formaya döşəyin. Üzərinə içi bərabər yayın. Xəmirin ikinci hissəsini yayıb üzərinə çəkin. Kənarlarını birləşdirin (iç bişəndə axmasın).
Üzərinə çalınmış yumurta sarısı çəkin.
200 dərəcə qızdırılmış sobada 40 dəqiqə bişirin.
Süfrəyə soyuq süd və dondurma ilə verə bilərsiniz.
Nuş olsun!
Resept: www.swiss-cuisine.ru
Milli.Az