Ekoloqlar Azərbaycanda hava şəraitinin dəyişəcəyi ilə bağlı xəbərdarlıq edib

Bakı. 9 aprel. REPORT.AZ/

Ekologiya və Təbii Sərvətlər Nazirliyi

hava şəraitinin dəyişməsi ilə bağlı əhaliyə xəbərdarlıq edib. Nazirlikdən "Report"a bildirilib ki, bir neçə gün davam edən mülayim hava şəraitindən sonra aprelin 10-dan 13-dək ölkə ərazisində hava şəraitinin qeyri-sabit keçəcəyi, fasilələrlə yağış, dağlıq ərazilərdə qar yağacağı gözlənilir.

Məlumatda o da bildirilir ki, şimal-qərb küləyi ayrı-ayrı yerlərdə arabir güclənəcək. Temperatur ötən günlərlə müqayisədə tədricən 5-8 dərəcə aşağı enəcək. Çaylarda sululuğun artacağı ehtimal olunur.