Bakıda keçmiş məhbus iki qardaşı qanına qəltan etdi

Bakıda iki qardaş bıçaqlanıb.

Bakı şəhər Baş Polis İdarəsindən ANS PRESS-ə verilən məlumata görə, hadisə aprelin 18-də saat 00:30 radələrində Binəqədi qəsəbəsi 1-ci mədən küçəsində qeydə alınıb.

Həmin ünvanda Elnur Nəsirova və qardaşı Orxan Nəsirova bıçaq xəsarətləri alıblar. Onlar ağır vəziyyətdə xəstəxanaya yerləşdiriliblər.

Məlumat daxil olan kimi Binəqədi rayon Polis İdarəsinin və 4-cü polis bölməsi əməkdaşları əməliyyat keçiriblər.

Həyata keçirilən əməliyyat tədbirləri nəticəsində, hadisəni törətməkdə şübhəli bilinən Bakı şəhər sakini 1968-ci il təvəllüdlü Tehran Zahid oğlu Səlimov tutulub.

Araşdırmalar zamanı saxlanılan şəxsin əvvəllər də məhkumluq həyatı yaşadığı məlum olub.

Faktla bağlı araşdırmalar davam edir.

Mənbə
ANS PRESS