Ülkər İsayevaya cinayət işi açıla bilərmi?

Son günlər döyülmə videosu ilə gündəmə gələn

Ülkər İsayeva

nın atası

Hamlet İsaxanlı

nın fikirləri yeni müzakirələrə səbəb oldu. H.İsaxanlının fikirləri barədə yeni cinayət işi açılmasının zəruri olduğu vurğulanırdı..

Milli.Az “

qafqazinfo

”ya istinadən xəbər verir ki, hüquqşünas

Ələsgər Məmmədli

bu olayı hüquqi müstəvidə şərh edib: “Hamlet İsaxanlı məlum hadisənin qurbanı olan qadının onun qızı olmadığını, sadəcə qızının bu qardaşları qorumaq üçün fədakarlıq etdiyini əsaslandırmağa çalışıb.

Hətta Ülkərin “dostlarını" qorumaq məqsədi ilə məhkəmə ifadəsində həmin şəxsin özü olduğunu bəyan etdiyini bildirir. Əslində bununla da iki ciddi hüquq pozuntusunun baş verməsini bütün cəmiyyətə bəyan edir.

1. Qızı Ülkərin əsl zərərçəkənin (əgər doğrudursa, Katyanın) əvəzindən özünü zərərçəkmiş şəxs kimi təqdim edərək, zərərçəkənin hüquqlarını mənimsəyir.

2. Cinayət Məcəlləsinin 297-ci maddəsində bu hərəkətinin "Məhkəmədə və ya ibtidai istintaqda şahid, zərərçəkmiş şəxs tərəfindən yalan ifadə vermə" maddəsi ilə cinayət əməli kimi tövsif edildiyini bilmədən, qızının zərərçəkən kürsüsündən cinayətkar kürsüsünə transferinə səbəbkar olur.

Diqqətimi çəkən digər bir məqam isə videonun yayılmasının hüquq pozuntusu kimi təqdim edilməsidir. Halbuki, bunu çəkənin və ya yayanın kimliyindən asılı olmayaraq, hüquq pozuntusunun yayılması heç bir halda özəl həyata müdaxilə kimi təqdim edilə bilməz.

Həmçinin, videonun küçələrə nəzarət edən ictimai asayişi gözətləyən kameralardan birinə aid olduğu çox aydın görünür”.

Milli.Az