Sürücüləri sevindirən xəbər (FOTO)

Bayram günlərində təmirə bağlanmış Yusif Səfərov küçəsinin Bakı şəhər Baş Polis İdarəsinin qarşısından Heydər Əliyev prospektinə çıxışı açılıb.

Bu barədə "Azəryolservis" ASC-dən ANS PRESS-ə məlumat verilib.

Məlumatda deyilir ki, Babək prospektindən Heydər Əliyev prospektinə çıxış da artıq açılıb. Hər iki yol bu gün saat 17:00-dan etibarən açılıb, nəqliyyat vasitələri bu yollarda sərbəst hərəkət edə bilərlər.

Qeyd edək ki, təmir çərçivəsində asfalt-beton örtüyünün üst qatının yenilənməsi və genişləndirilmə işləri həyata keçirilib.

Mənbə
ANS PRESS