Sevdiyi qıza görə qonşusunu öldürdü

Martın 9-da Göyçay rayonunun Çaxırlı kəndində sevgi üstündə cinayət törədilib.

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, kənd sakini Elşən Məmmədov münaqişə zəminində qonşusu Rahib Əliyevə bıçaqla xəsarət yetirib. O sonradan hadisə yerindən qaçıb.

Xəstəxanaya yerləşdirilmiş R.Əliyev martın 10-da orada ölüb.

Məlumata görə, Elşən Məmmədov Rahib Əliyevi sevdiyi qıza görə öldürüb. Belə ki, gənclərin hər ikisi subay olub və onlar bir qızı sevirmiş. Hazırda rayonun hüquq-mühafizə orqanlarının əməkdaşları hadisə yerindədir.

Faktla bağlı Göyçay rayon polis şöbəsi əməkdaşları tərəfindən əməliyyat-axtarış tədbirləri aparılır.

Mənbə
ANS PRESS