Sosial
Şamaxı sakini evində yanaraq ölüb
Bakı. 26 mart. REPORT.AZ/ Şamaxı şəhərində vətəndaşa məxsus ümumi sahəsi 108 kv.m olan birmərtəbəli 4 otaqlı evin 1 otağında yataq dəsti yanıb.
"Report"un
Fövqəladə Hallar Nazirliyinə (FHN) istinadən verdiyi məlumata görə, yanğının kəşfiyyatı zamanı ev sahibi 1960-cı il təvəllüdlü Soltanı Ağagül Əlbala oğlunun yanmış meyiti yanğınsöndürənlər tərəfindən aşkar olunub.
Evin qalan hissəsi yanğından mühafizə olunub. Yanğın saat 18:00-da yanğınsöndürənlər tərəfindən söndürülüb.