Bişkekdəki “Türkel” qəzetində Azərbaycan haqqında məqalələr çap edilib

Bişkek, 9 mart,

AZƏRTAC

Bişkekdə qırğız, Azərbaycan, türk və rus dillərində nəşr edilən “Türkel” qəzetində Azərbaycan haqqında materiallar çap olunub.

Qəzet Azərbaycanın Qırğızıstandakı səfirliyi tərəfindən bu ölkənin Milli Kitabxanasında Xocalı faciəsinin 23-cü ildönümü ilə bağlı keçirilən mərasimdən geniş material verib.

Qəzet Azərbaycan Dövlət İnformasiya Agentliyinin (

AZƏRTAC

) Baş direktoru Aslan Aslanovun “

AZƏRTAC

: Şərqlə Qərb arasında media körpüsü” sərlövhəli məqaləsini də rus dilində çap edib.

Məqalədə deyilir: “Azərbaycan Xalq Cümhuriyyətinin yadigarı olan

AZƏRTAC

özünün ilk xəbərini 95 il bundan əvvəl yayıb. Onu quran insanlar bilirdilər ki, bu agentlik Azərbaycan həqiqətlərinin dünyaya çatdırılmasında və ölkənin ictimai-siyasi həyatında mühüm rol oynayan bir quruma çevriləcək”.

Qəzetdə 20 Yanvar faciəsi haqqında məqalə, Azərbaycanın Özbəkistandakı səfirliyinin birinci katibi, Daşkənddəki Heydər Əliyev adına Azərbaycan Mədəniyyət Mərkəzinin direktoru Samir Abbasovun "Təndir – Azərbaycan xalqının maddi mədəniyyətinin bir hissəsidir" adlı materialı da yer alıb.

Qulu Kəngərli
AZƏRTAC-ın xüsusi müxbiri
BİŞKEK