Bakının mərkəzindəki 2 küçədə nəqliyyatın hərəkəti bərpa edilib

[ 29 Mart 2015 09:44 ]

Bakı. Vüsal Nəbiyev – APA-Economics. Nəsimi rayonunda Süleyman Rüstəm və Şəmsi Bədəlbəyli küçələrində təmir işləri başa çatdırılıb.

Nəqliyyat Nazirliyi “Azəryolservis” ASC-nin mətbuat xidmətindən “APA-Economics”ə verilən məlumata görə,bu gün səhər saatlarından  hər iki küçədə nəqliyyatın hərəkəti tam təmin olunub.

Qeyd edək ki, təmir işləri çərçivəsində beton səki daşları mərmər səki daşları ilə, köhnə asfalt-beton örtük isə yenisi ilə əvəzlənib.