Bakı sürücülərinə şad xəbər (FOTO)

Bakı şəhərində nəqliyyat sıxlığının aradan qaldırılması istiqamətində işlər davam edir.

Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyevin ANS PRESS-ə verdiyi məlumata görə, həyata keçirilən işlər çərçivəsində Qələbə kinoteatrı qarşısındakı dairədə genişləndirilmə işləri başlanıb.

"Sözügedən ərazidə dairənin diametri kiçildilərək hərəkət zolaqlarının sayı artırılır. Artıq yol yatağı hazırlanan hissədə asfalt-beton örtüyünün döşənməsinə başlanılıb", - deyə Pünhan Mürsəliyev vurğulayıb.

Əlavə olaraq hərəkət istiqaməti dəyişdirilən hissəyə qoyulmuş beton bloklar mərmər səki daşı ilə əvəzlənəcək.

Qeyd edək ki, işlərin mart ayı ərzində yekunlaşması gözlənilir.

Mənbə
ANS PRESS