ADMİU-da “Təbiətin naxışları” adlı sərgi açılıb

Bakı, 19 mart,

AZƏRTAC

Azərbaycan Dövlət Mədəniyyət və İncəsənət Universitetində (ADMİU) bu ali məktəbin təsviri sənət kafedrasının baş müəllimi, Azərbaycan Rəssamlar İttifaqının üzvü Tamilla Abdullayevanın Novruz bayramına həsr olunan “Təbiətin naxışları” adlı fərdi sərgisi açılıb.

ADMİU-dan

AZƏRTAC

-a bildiriblər ki, sərginin açılışında ADMİU-nun rektoru, professor Fərəh Əliyeva T.Abdullayevanı təbrik edib, universitetdə müəllimlərinin sərgilərinin təşkil edilməsinin vacibliyini xüsusi qeyd edib.

Tədbirdə xalq rəssamları Ağəli İbrahimov, Xanlar Əhmədov, rəssam Fəxrəddin Qəhrəmanlı, professor Arif Əziz şıxış edərək T.Abdullayevanın maraqlı, zəngin rəng çalarları ilə seçilən yaradıcılığından söz açıblar.