Arıqlama iynələri nə üçün təhlükəlidir?

Böyük Britaniyada Mounjaro, Wegovy, Ozempic və Saxenda kimi GLP-1 arıqlama inyeksiyaları ilə əlaqədar ən azı 216 şübhəli ölüm və 150 minə yaxın şübhəli yan təsir barədə məlumat qeydə alınıb.

Metbuat.az xəbər verir ki, rəsmi məlumatlara görə, bu hadisələrin təxminən 18 mini ağır və ya ölümcül kimi qiymətləndirilib. Ən çox bildirilən ciddi fəsadlar pankreatit, qastroparez, bağırsaq hərəkətlərinin yavaşlaması və digər ağır mədə-bağırsaq problemləri olub.Mütəxəssislər bildirirlər ki, bu preparatlar bəzi xəstələrdə bağırsaq fəaliyyətini əhəmiyyətli dərəcədə zəiflədə və ağırlaşma riskini artıra bilər.

Bununla belə, Böyük Britaniyanın Dərman və Səhiyyə Məhsulları Tənzimləmə Agentliyi (MHRA) vurğulayıb ki, sözügedən məlumatlar dərmanların ölümə birbaşa səbəb olduğunu sübut etmir və bunlar yalnız şübhəli yan təsirlərlə bağlı hesabatlardır.