Azərbaycan smartfon idxalını artırıb

Bu ilin yanvar-may aylarında Azərbaycan 183,8 milyon ABŞ dolları dəyərində 401 min 157 ədəd smartfon idxal edib.

Metbuat.az xəbər verir ki, bu barədə Dövlət Statistika Komitəsi məlumat yayıb.

Hesablamalara əsasən, bu, 2025-cü ilin eyni dövrünün göstəricisindən dəyər ifadəsində 26 % çox, kəmiyyət olaraq – 13 % azdır.

Hesabat dövründə Azərbaycan Çindən 139,5 milyon ABŞ dolları dəyərində (1 il əvvəlki göstəricidən 26 % çox) 297 min 114 ədəd (-19 %), Vyetnamdan 38,2 milyon ABŞ dolları dəyərində (+21 %) 95 min 177 ədəd (+14 %), Hindistandan 6 milyon ABŞ dolları dəyərində (+82 %) 8 min 730 ədəd (+39 %), Tailanddan 126 min ABŞ dolları dəyərində 96 ədəd (1 il əvvəl tədarük olmayıb), Cənubi Koreyadan 17,8 min ABŞ dolları dəyərində (-36 %) 20 ədəd (-91 %) cihaz alıb.

2025-ci ildə Azərbaycana idxal edilmiş 1 milyon 344 min 329 ədəd smartfonun 80,4 % Çinin payına düşüb.