Bu ölkə İranla müharibəyə qoşulur -

Birləşmiş Ərəb Əmirliklərinin İranın raket obyektlərinə zərbə endirməyi müzakirə etdiyi bildirilir.

Metbuat.az xəbər verir ki, bu barədə "Axios" nəşri məlumat yayıb.

Qeyd olunub ki, rəsmi Əbu-Dabi bu addımı müharibə başlayandan bəri ölkənin 186 raket və 812 pilotsuz uçuş aparatı hücumuna məruz qalması fonunda nəzərdən keçirir.

Məlumata görə, hücumların əsas hədəfləri Əbu-Dabi və Dubay olub. BƏƏ rəhbərliyi mümkün hərbi addımları müttəfiqlərlə koordinasiya etməyi planlaşdırır.

Hələlik mümkün zərbələrin vaxtı və miqyası açıqlanmayıb.