9-cu nəsil Intel Core təqdim olunub

"Intel" şirkəti "Core" prosessorlarının doqquzuncu nəslini təqdim edib.

Milli.Az ICTnews-a istinadən bildirir ki, yeni istehsal xəttinin qabaqcıl prosessoru kimi şirkət tərəfindən ən yaxşı oyun prosessoru adlandırılan "Intel Core i9-9900K" göstərilir. O, 3,6 QHs takt tezlikli 8 nüvədən və 5 QHs-dək sürətləndirilən 16 məlumat axınından ibarətdir.

Bundan başqa, "Core i7" və "Core i5" prosessorlarının doqquzuncu nəsli nümayiş edilib. Yeni "i7-9700K" prosessoruna 3,6 QHs takt tezlikli 8 nüvə və 8 məlumat axını daxildir. "i5-9600K" prosessoru isə 3,7 QHs takt tezlikli 6 nüvəyə və 6 məlumat axınına malikdir.

Şirkətin məlumatına görə, yeni prosessorlu sistemlər oyunlarda kadr tezliklərinin göstəricilərini 35-45 faiz artıracaq.

Yeni prosessorlar üçün ilkin sifarişlərin qəbuluna və pərakəndə satışlara oktyabrın 19-dan etibarən başlamaq nəzərdə tutulur. "Core i5-9600K" prosessorunun qiyməti 262 dollar, "Core i7-9700K" prosessorunun 374 dollar, qabaqcıl "Core i9-9900K" prosessorunun isə 488 dollar təşkil edir.

Milli.Az