İrina Şeyk cəlbedici libası ilə uzun ayaqlarını nümayiş etdirdi – FOTO

İrina Şeyk dərin yarıqlı libas ilə bütün diqqətləri öz üzərinə çəkməyə nail olub.

Publika.az xarici mətbuata istinadən xəbər verir ki, dəb dünyasının bir çox nümayəndəsi “Front Row The Daily” nəşrinin ənənəvi olaraq keçirdiyi “Fashion Media Awards” mükafatlandırma mərsimində iştirak edib.

Nyu-Yorkda baş tutan tədbirə köməkçisinin əlindən tutaraq gələn rusiyalı model davamlı olaraq obyektivlərə gülümsəyib. Modelin geyiminə uyğun çantasını əlində saxlayan köməkçisinin isə çəkiliş zamanı xəcalət çəkərək gülümsəməsi gözlərdən qaçmayıb.

Tədbirdə hind gözəli Priyanka Çopra, Heyli Bolduin, Eşli Qrim, Cici Hadid, Teylor Hill, Katerina Qremxem və başqaları iştirak edib.

Castin Biberin nişanlısı Heyli Bolduin “Personality Fashion Media” nominasiyasında mükafata layiq görülüb, Vinni Harlou “Breakthrough Model” kateqoriyasında mükafat qazanıb, Eşli Qrem “Fashion Force” üzrə qalib olub, İrina Şeyk növbəti dəfə stil ikonası adını alıb.