Chrome bazarın 65 faizini tutub

"NetMarketShare" (dünya üzrə 40 mindən çox sayta daxil olan 160 milyondan çox unikal istifadəçinin aktivliyini araşdırır) analitik xidmətinin məlumatına görə, 10 il bundan əvvəl təqdim edilmiş "Chrome" brauzerinin bazar payı ilk dəfə olaraq 65%-i ötüb.  
 
Milli.Az ICTnews-a istinadən bildirir ki, 2018-ci ilin avqustunda internetə çıxış üçün masaüstü kompüter və noutbuk sahiblərinin 65,2%-i "Chrome" brauzeri vasitəsilə internetə daxil olub. Dünyada ən populyar brauzerlərin reytinqində ikinci yerdə qərarlaşmış "Internet Explorer"in bazar payı 11%-dən aşağı düşüb. 10% bazar payına malik "Firefox" üçüncü  olub.

Milli.Az