ABŞ Azərbaycandan Avropaya qaz kəməri layihəsini dəstəkləyir

ABŞ Azərbaycana aid "Şahdəniz" yatağından Avropaya təbii qazı nəqledici boru kəməri layihəsini dəstəkləyir.

Publika.az xarici mətbuata istinadən verdiyi xəbərə görə, bu barədə ABŞ-ın energetika naziri Rik Perri keçirdiyi brifinqdə bildirib.

“Biz rəqabət tərəfdarıyıq. Odur ki, Azərbaycan təbii qazının Xəzər regionundan Avropaya nəqli üçün başqa bir boru kəmərinə də dəstək verdiyimizi təsdiqləmək istəyirəm”, – deyə Perri bildirib.

ABŞ rəsmisi Rusiyanın həyata keçirdiyi “Şimal axını-2” layihəsinə avropalıların alternativ görmək istədiklərini qeyd edib.