Yoxsul kişinin Uca Allaha verdiyi sual

Yoxsul kişi öz güzəranından çox nigaran və pərişan idi. Bir gün əlini göyə qaldırıb, Allaha xitab etdi: "Allahım! Mən niyə bu qədər yoxsulam?".

Allahdan xitab gəldi: "Çünki bəxşiş etməyi öyrənməmisən".

Milli.Az deyerler.org-a istinadən bildirir ki, kişi dedi: "Axı bir şeyim yoxdur ki, onu bağışlayam".

Allah buyurdu: "Xeyr, bəzi şeylərin vardır:

Bir üz ki, onunla gülümsəyə bilərsən.

Bir ağız ki, onunla yaxşı sözlər danışa bilərsən.

Bir qəlb ki, onu başqaları üçün aça bilərsən.

Gözlərin ki, onlarla başqalarına xoş niyyətlə baxa bilərsən.

Həqiqi yoxsulluq - ruhi yoxsulluqdur".

Milli.Az