Üç ayda əmtəə dövriyyəsi 9,6 faiz artıb

Bakı, 17 aprel,

AZƏRTAC

 

Bu ilin birinci rübündə pərakəndə ticarət şəbəkəsindən əhaliyə 5760,3 milyon manat məbləğində istehlak malları satılıb və xidmət müəssisələri tərəfindən 1675,6 milyon manatlıq pullu xidmət göstərilib.

Dövlət Statistika Komitəsindən

AZƏRTAC

-a bildiriblər ki, ötən ilin ilk üç ayı ilə müqayisədə əmtəə dövriyyəsi 9,6 faiz, pullu xidmətlərin həcmi isə 5,3 faiz artıb, ölkə sakinləri ticarət şəbəkəsindən 2894 milyon manatlıq qida məhsulları, içkilər və tütün məmulatı, 2866,3 milyon manatlıq qeyri-ərzaq malları alıblar.