Türkiyə və İran əmtəə dövriyyəsini 30 milyard dollara çatdırmaq istəyirlər

Türkiyə və İran ikitərəfli əmtəə dövriyyəsini illik 30 milyard ABŞ dollarına çatdırmaq niyyətindədirlər

Trend

-in "TRT Haber" telekanalına istinadən verdiyi məlumata görə, bu barədə Türkiyə prezidenti

Rəcəb Tayyib Ərdoğan

Tehranda İran prezidenti

Həsən Ruhani

ilə birgə keçirdiyi mətbuat konfransında bildirib.

Onun sözlərinə görə, hazırda iki ölkə arasında əmtəə dövriyyəsi 14 milyard dolları keçmir ki, bu da qənaətbəxş deyil.

R.T.Ərdoğan vurğulayıb ki, İran və Türkiyə ticarəti öz milli valyutaları ilə aparmalıdırlar.

Qeyd edək ki, Türkiyə prezidentinin İrana səfəri çərçivəsində tərəflər arasında 8 hökumətlərarası saziş imzalanıb.

Milli.Az