Sumqayıtda döyüş sursatı aşkarlanıb

Bakı, 1 aprel,

AZƏRTAC

Aprelin 1-də Fövqəladə Hallar Nazirliyinin (FHN) “112” qaynar telefon xəttinə daxil olmuş məlumata əsasən, Sumqayıt şəhərində döyüş sursatı aşkarlanıb.

AZƏRTAC

nazirliyin mətbuat xidmətinə istinadla xəbər verir ki, FHN-n müvafiq qurumları hadisə yerinə cəlb edilib, mütəxəssislər aşkarlanmış sursata baxış keçiriblər. Məlum olub ki, bu, 1 ədəd 152, 3 ədəd 122 millimetrlik istifadəyə yararsız top mərmisinin korpusudur. Sursat aidiyyəti üzrə təhvil verilib.

Xilasedicilər hüquq mühafizə orqanlarının əməkdaşları ilə birlikdə əraziyə əlavə baxış keçirib, digər növ şübhəli əşya aşkar etməyiblər. Əməliyyat saat 09:14-də başa çatıb.