Sumqayıt teatrı Türkiyədə VII “İnadına” festivalında iştirak edir

Sumqayıt, 14 aprel, Ətrabə Rzayeva,

AZƏRTAC

 

Hüseyn Ərəblinski adına Sumqayıt Dövlət Dram Teatrı Türkiyənin Menemen bələdiyyəsinin təşkil etdiyi VII “İnadına” teatr festivalında iştirak edir.

Teatrın direktoru İslam Həsənov

AZƏRTAC

–a bildirib ki, festivalda Azərbaycanı təmsil edəcək teatr Əziz Nesinin “Öldür məni, can-ciyər” tamaşasını nümayiş etdirəcək. Tamaşanın quruluşçu rejissoru əməkdar artist Firudin Məhərrəmovdur. Tamaşada əməkdar artistlərdən Növrəstə Həşimova, İlahə Səfərova və aktyor Mətləb Səfərov rol alıblar.

Qeyd edək ki, festival çərçivəsində tamaşa aprelin 16-da oynanılacaq.