“Startup Azərbaycan 2015” çərçivəsində növbəti təlim

Bakı, 6 aprel,

AZƏRTAC

Rabitə və Yüksək Texnologiyalar Nazirliyinin tabeliyində Yüksək Texnologiyalar Parkında aprelin 11-də startupçılar üçün növbəti təlim keçiriləcək.

Rabitə və Yüksək Texnologiyalar Nazirliyindən

AZƏRTAC

-a bildiriblər ki, təlim "Startup Azərbaycan 2015" müsabiqəsinin iştirakçıları üçün təşkil olunur. Təlim “Biznes - ideyalar. Biznes planların tərtib edilməsi. İnvestor axtarışı”, “İdeya-Layihə-İnvestor” mövzularına həsr olunacaq. Tədbirdə Yüksək Texnologiyalar Parkının, “Startup Azərbaycan 2015” rəhbərliyinin, beynəlxalq və yerli ekspertlərin və İT biznes sahəsində çalışan sahibkarlar iştirak edəcəklər.