Kimyəvi zavodda güclü partlayış

Çinin Fuszyan əyalətindəki kimyəvi zavodda güclü partlayış baş verib.

Anspress

-in məlumatına görə, hadisə yerli vaxtla ötən gecə qeydə alınıb. Partlayış dalğası o qədər güclü olub ki, zavoda yaxın yerləşən binaların damı dağılıb və pəncərələrin şüşələri sınıb.

İstehsal vaxtı paraksilol kimi zəhərli maddələrdən istifadə olunub. İnsan ölümü və zərər barədə dəqiq informasiya verilməsə də, şahidlər bir nəfərin yaralandığını bildiriblər. Hadisə yerinə 430 xilasedici göndərilib.

Xatırladaq ki, bu, son iki il ərzində zavodda qeydə alınan ikinci belə hadisədir.

Milli.Az