İngiltərənin sərhəd məntəqələrindən çıxış edən şəxslər qeydiyyata alınacaq

Bakı, 8 aprel,

AZƏRTAC

İngiltərə hökuməti ölkədən hava, dəniz və quru yolu ilə çıxışlarda pasport yoxlanışının aparılacağını, sərnişinlərin məlumatlarının qeydiyyata alınaraq Daxili İşlər Nazirliyinə göndəriləcəyini bildirib.

AZƏRTAC

xarici KİV-lərə istinadla xəbər verir ki, yeni sistem İngiltərədən ayrılan və ölkədə qalan insanlara nəzarəti asanlaşdırmaq üçündür. Bununla da polis və təhlükəsizlik qüvvələrinin günahkar və terroristləri təqib etmələri təmin ediləcək. Qeyri-qanuni köçün qarşısını almağı hədəfləyən qanunla kimin ölkəni tərk etdiyi və kiminsə qaçaq olaraq qaldığı məlum olacaq.

Qeyd edək ki, 1998-ci ildən bu vaxtadək İngiltərədən çıxan insanların pasportları yoxlanılmırdı.