I Avropa Oyunları zamanı Bakı metrosunda iş saatı dəyişdiriləcək

Bakı, 9 aprel, Gülnar Bəşirova,

AZƏRTAC

I Avropa Oyunları zamanı “Bakı Metropoliteni” Qapalı Səhmdar Cəmiyyətində iş saatı dəyişdiriləcək. Bu barədə

AZƏRTAC

-a “Bakı Metropoliteni" QSC-nin mətbuat xidmətinin rəhbəri Nəsimi Paşayev məlumat verib.

Nəsimi Paşayev bildirib ki, I Avropa Oyunları zamanı sərnişinlərin rahat hərəkətinin təşkil edilməsi məqsədilə iyunun 12-dən 28-dək metroda iş saatı 01: 00-a qədər artırılacaq. I Avropa Oyunlarının açılış və bağlanış günü isə metronun iş saatı gecə saat 02:00-a qədər uzadıla bilər.

Xatırladaq ki, hazırda metro səhər saat 6-dan gecə saat 12-yə kimi işləyir.