Büdcəyə 1,6 milyardlıq ödəniş

Vergilər Nazilriyi 2015-ci ilin yanvar-mart aylarında vergi daxilolmaları haqqında məlumat yayıb.

Nazirliyin Analitik informasiya şöbəsindən ANS PRESS-ə verilən məlumata görə, 2015-ci ilin yanvar-mart ayları ərzində Vergilər Nazirliyinin xətti ilə dövlət büdcəsinə 1 milyard 600 milyon 752,0 min manat vəsait daxil olub. Proqnoz tapşırığına 103,0 faiz əməl edilib.

Qeyri-neft-qaz sektoru üzrə vergi daxilolmalarının məbləği 1 milyard 55 milyon 742,0 min manat təşkil edib. Bu isə ötən ilin müvafiq dövrü ilə müqayisədə 8 faiz çoxdur.

Qeyri-neft-qaz sektorundan vergi daxilolmalarının ümumi daxilolmada xüsusi çəkisi 66 faiz təşkil edib.

Mənbə
ANS PRESS