“Azəryolservis”: 20 yanvar dairəsində aparılan işlər qısa müddətdə başa çatacaq - FOTO

[ 06 Aprel 2015 17:48 ]

Bakı. Vüsal Nəbiyev - APA-Economics. Bakının 20 yanvar dairəsi adlanan ərazisində genişləndirilən hissədə işlərin böyük hissəsi görülüb.

Nəqliyyat Nazirliyi "Azəryolservis" ASC-dən “APA-Economics”ə verilən məlumata görə, təhlükəsizlik adaları kiçildilərək yolun hərəkət hissəsi genişləndirilib, mərmər səki daşları quraşdırılıb.

Hazırda təhlükəsizlik adası adlanan hissəyə tamet daşı düzülür. Genişləndirilən əraziyə asfalt-beton örtük də döşənib.

Bundan əlavə, 3 mikrorayon dairəsindən 20 yanvar istiqamətinə köməkçi hissədə asfalt-beton örtük yenilənir.

İşlərin qısa bir müddətdə başa çatdırılması gözlənilir.