“Azərbaycan Xəzər Dəniz Gəmiçiliyi” QSC yedək əməliyyatı həyata keçirib

Bakı, 18 aprel,

AZƏRTAC

“Azərbaycan Xəzər Dəniz Gəmiçiliyi” Qapalı Səhmdar Cəmiyyəti növbəti uğurlu yedək əməliyyatı həyata keçirib.

QSC-dən

AZƏRTAC

-a bildiriblər ki, Sinqapurun “Ezion Exerter Limited” şirkətinə məxsus, çəkisi 12 min ton, hündürlüyü isə 130 metr olan yarım dalma qurğusu cəmiyyətin 5 gəmisi vasitəsi ilə yedək edilib. Texniki baxımdan mürəkkəb olsa da buruq Bakı buxtasından çıxarılaraq əsas yedək gəmilər olan – “Andoga” və “Om” vasitəsi ilə peşəkarlıqla təyin olunan koordinatlara çatdırılıb. Əməliyyat zamanı daha 3 liman yedək gəmisinin köməyindən istifadə edilib. Hazırda isə yarım dalma qurğusunun tənzimlənməsi işləri aparılır.