Rusiyada Ermənistan vətəndaşlarına qadağa tətbiq olunub

Bakı. 27 mart. REPORT.AZ/ Ermənistan vətəndaşları Rusiyanın hava limanlarındakı "duty free" (azad ticarət zonalarının şərtləri ilə işləyən, rüsumsuz malların satış müəssisələri) mağazalarının xidmətindən istifadə etmək hüququndan məhrum olunublar.

"Report" xəbər verir ki, bu haqda Ermənistanda çıxan "Joxovurd" qəzeti məlumat yayıb.

Xəbərdə bildirilib ki, Rusiyanın istənilən bölgəsinə, yaxud tranzit olaraq, başqa ölkəyə RF ərazisindən uçan Ermənistan vətəndaşları "duty free"dən yararlana bilməz.

Belə ki, Ermənistan Avrasiya İqtisadi İttifaqına qoşulandan sonra bu yasağa məruz qalıb.

"Əgər sərnişin İrəvana uçsa belə, o, bu mağaların xidmətindən istifadə edə bilməz. Qeyd edək ki, Rusiya vətəndaşları da bu hüquqdan məhrumdurlar. Başqa sözlə, bu qadağanın tətbiqi ilə Ermənistan müstəqil dövlətin deyil, Rusiyanın ərazisi hesab olunur. Yəni, hüquqi baxımdan İrəvandan Moskvaya uçmaq, Ufadan Omska uçmağa bərabərdir ", - qəzet vurğulayıb.